Mudarris AI

Maxfiylik siyosati

Oxirgi yangilanish: 2026-yil 16-sentabr

Mudarris AI (keyingi o‘rinlarda — «xizmat») DTM va Milliy sertifikat imtihonlariga tayyorlanish uchun ilova va sayt: app.mudarrisai.uz, mudarrisai.uz va Android/iOS ilovasi. Bu hujjat qanday ma’lumot to‘planishi, nima uchun ishlatilishi va uni qanday boshqarishingiz mumkinligini tushuntiradi.

1. Qanday ma’lumot to‘playmiz

• Hisob ma’lumotlari: telefon raqami; Telegram orqali kirsangiz — Telegram ID, ism va foydalanuvchi nomi; ko‘rsatiladigan ismingiz va (xohlasangiz) profil rasmingiz.
• O‘qish natijalari: ishlagan testlaringiz, javoblaringiz, ballar, daraja va faollik (seriya, vaqt).
• Ovoz: ovozli savol berganingizda yoki speaking mashqida yozib olingan ovoz. Ovoz matnga aylantirish uchun serverga yuboriladi; speaking mashqidagi ovozli xabarlar, ularning matni va baholash natijasi hisobingizda saqlanadi.
• Siz yozgan matnlar: AI’ga bergan savollaringiz, o‘qituvchiga yuborgan savollaringiz.
• Ota-ona havolasi: farzand hisobini ulagan ota-onaning Telegram ID va ismi (kunlik hisobot yuborish uchun).
• Qurilma: bildirishnoma yuborish uchun push-token va platforma (Android, iOS yoki veb).
• To‘lovlar: buyurtma, tarif, summa, sana va to‘lov holati. Karta ma’lumotlaringiz bizga kelmaydi — to‘lov Click yoki Payme sahifasida amalga oshadi.

Reklama ko‘rsatmaymiz, reklama yoki kuzatuv (analytics) kutubxonalaridan foydalanmaymiz va ma’lumotlaringizni sotmaymiz.

2. Nima uchun ishlatamiz

• hisobingizga kirish va bitta odam — bitta hisob bo‘lishini ta’minlash (telefon raqami bo‘yicha);
• testlar, AI tushuntirishlari, ovozli mashqlar va reytingni ishlatish;
• natijalaringiz asosida daraja, ball prognozi va tavsiyalar berish;
• eslatma, natija va obuna haqida bildirishnomalar yuborish;
• obunani faollashtirish va to‘lovlarni hisobga olish;
• xizmat xavfsizligi va suiiste’molning oldini olish.

3. Kimga uzatiladi

Ma’lumotlar faqat xizmat ishlashi uchun zarur bo‘lgan hajmda quyidagi hamkorlarga uzatiladi:

• Microsoft Azure — server va ma’lumotlar bazasi (Yevropa, Shvetsiya), AI javoblari (Azure OpenAI), zaxira nutq xizmati;
• Nutqni matnga aylantirish xizmati (RunPod bulut serveridagi o‘zbek tili modeli) — ovozli savollar uchun;
• Aisha (aisha.group) — AI javobini o‘zbekcha ovozga aylantirish (faqat javob matni yuboriladi);
• Google Firebase — push-bildirishnomalar;
• Telegram — Telegram orqali kirish, bildirishnomalar va online darslar kanali;
• Eskiz.uz — SMS tasdiqlash kodi (telefon raqami va kod);
• Click va Payme — to‘lovlarni qabul qilish.

Qonunda belgilangan hollarda ma’lumot vakolatli davlat organlariga taqdim etilishi mumkin.

4. Qancha saqlanadi

Ma’lumotlar hisobingiz faol bo‘lgan muddatda saqlanadi. SMS va kirish kodlari bir necha daqiqada eskiradi. Hisobni o‘chirsangiz, shaxsiy ma’lumotlaringiz darhol o‘chiriladi (6-bo‘lim). To‘lov yozuvlari buxgalteriya va soliq talablari bo‘yicha shaxsingizga bog‘lanmagan holda saqlanadi. Server zaxira nusxalaridan ma’lumot qisqa muddat ichida avtomatik o‘chib ketadi.

5. Xavfsizlik

Barcha ulanishlar shifrlangan (HTTPS). Parollar faqat xesh ko‘rinishida saqlanadi, kirish kalitlari muddatli. Ma’lumotlar bazasiga faqat xizmat serveri kira oladi.

6. Hisobni va ma’lumotlarni o‘chirish

Hisobingizni istalgan vaqtda o‘zingiz o‘chirishingiz mumkin: ilovada yoki app.mudarrisai.uz saytida Profil → Hisobni o‘chirish. Batafsil: mudarrisai.uz/delete-account. O‘chirilganda telefon raqami, Telegram va Google bog‘lanishi, ism, rasm, ota-ona havolalari, qurilma tokenlari, bildirishnomalar, o‘qituvchiga savollar va ovozli xabarlar o‘chiriladi, obuna bekor bo‘ladi. Test natijalari reyting statistikasida shaxssiz holda qoladi.

7. Bolalar

Xizmat maktab o‘quvchilari va abituriyentlar uchun mo‘ljallangan. 16 yoshga to‘lmagan foydalanuvchi xizmatdan ota-onasi yoki qonuniy vakilining roziligi bilan foydalanadi. Ota-ona farzandining ma’lumotlarini o‘chirishni 8-bo‘limdagi aloqa orqali so‘rashi mumkin.

8. Huquqlaringiz va aloqa

Ma’lumotlaringizni ko‘rish, tuzatish yoki o‘chirishni so‘rashingiz mumkin. Savollar uchun Telegram: @Oybek_Jalolov. Murojaatlarga odatda 7 kun ichida javob beramiz.

9. O‘zgarishlar

Siyosat o‘zgarsa, shu sahifada yangi sana bilan e’lon qilinadi. Muhim o‘zgarishlar haqida ilova orqali xabar beriladi.